.

.
موقع شامل لكل مجالات الحياة

Sunday, August 23, 2015

قصيدة زجلية بعنوان "الحمار" - الشاعر اللبناني عبد الجليل وهبي



الحمار


يا مرفّل الدينين يا رفيق العذاب جبّار
طيّب عنصرك بين الدوابُ
يا ما عاضهرك خيّلوا ملوك وعبيد
وزقّوا عليك حجار وسكوتك جواب
أيوب يا ما هتّكت فيه العدا
من الصبر غيرك ما رضي يورث حدا
جلدك على الكرباج فتّح وانعقر
والمكاري عليك قلبو من حجر
هل ما بيحمل ضربتو ثور البقر
بالمسلّة بينعرك عند الطلوع
ومن دون رحمة بيلكشك بين الضلوع
شبعان ومفكك حزامو عالشبع
ومن كفر قلبو تاركك شبعان جوع
من ساعة اللي خلقت جبلك هالجلال
الفوقو خُرج واسع شراشيبو طوال

ومن كتر ما اكّلت من جريك الدروب

ضمرت حتى صرت عا قد الغزال

بيحقروك الناس بكلمة (حمار) 

أوسع من التحقير دينيك الكبار

يللي سكوتك من صفات الفيلسوف 

يا كتاب حكمة لا مداد ولا حروف

يا موقف التفكير عا باب القدر

ومصاحب الانسان ومراعي الظروف

صابر على مُر الاذى صبر الكريم

والاتزان اللي فيك من طبع الحكيم

ومين اللبيجهل ثورتك عند اللزوم 

لبطّتك ما بيوقف عليها حكيم

ما طلبت عا حمل الثقيل مساعده  

وما ارتحت يوم من العمر كلّو

البيدلّك عا الدرب مرة واحده  

من بعدها إنت بتدلّو

بتشرب بترفع جبهتك صوب الفَلك 

بيظل واقف صاحبك يتأملك


Loading...
Related Posts Plugin for WordPress, Blogger...