.

.
موقع شامل لكل مجالات الحياة

Sunday, May 21, 2017

الربيع العربي وصفقات السلاح الأمريكية مع الشرق

للأسف التعليق الساخر على أن آخر معركة بالسعودية كانت غزوة أحد كان فعلاً نكتة الى أن صارت الحرب ضد الحوثيين باليمن والاخوة علقوا ببعض وخوذ على بيع سلاح يعني سياسة لانقاذ الاقتصاد الامريكي والغرب من الدمار للذي بيذكروا قبل اكام سنة لما بلشت البنوك بأمريكا تسكر واكبر شركات السيارات والاقتصاد الامريكي كان على وشك الانهيار سبحان الله ثاني سنة بلش الربيع العربي ولا زال مستمر ... وللأسف في دول عربية مشتركة بهالمشروع حتى تطغي وتسيطر على المنطقة ... واللي بيعلك انو استغلوا اكثر كرت حساس اللي مش ممكن يخيب معهم كرت الطائفية لأنو الكرت الوحيد المضمون لاشعال الفتن والحروب وبيعرفوا انو اعز شي عند شعوب المنطقة هو ايمانهم وعقائدهم واي حدا رح يحاول يمسها رح يبيعوا انفسهم ويشتروا سلاح حتى يدافعوا عنها ... ونجحت الخطة ولا زالت ...
طبعاً واضح انو سوريا (النظام) ايران كوريا الشمالية زبائن لروسيا ولما صارت امريكا بدها تسيطرعليهن روسيا ما سكتت لانو ما ظللها من الكعكة الا هذول لهيك تدخلت بكامل قوتها بسوريا ... واللي عميدفع ثمن سيطرة هالاوغاد هني الناس الابرياء المواطنين اللي كانوا يحلموا بلقمة العيش كيف يوفروها وقتلوهن وقتلوا اطفالهن ونسائهم وشردوهن ودمورا البلدان وما عاد لذة وطعم للحياة بهالبلدان العربية اللي حلمت تعيش "الربيع العربي" . ومش بس بالوطن العربي بالمنطقة أجمع هناك سياسة تخويف العرب من ايران وتخويف الاتراك من الاكراد وتخويف اليهود من الجميع . وخوووووذ على بيع سلاح ...
يعني خطة اشعال الحروب وبيع السلاح لانقاذ الاقتصاد الامريكي ودول الغرب درت عليها اكثر من النفط والموارد الطبيعة وأسرع بألف مرة ...
والدليل بأن دول اوروبا اشتركت اشتراك محدود فقط ولم تبيع السلاح شوفوا شو صار بالاتحاد الاوروبي والسوق الاوروبية المشتركة تفكك وكل دولة بلشت تطلع منه واليورو بلش يفقد من قيمته مقابل الدولار الامريكي ... األله أكبر عليك يا عم سام ..


Loading...
Related Posts Plugin for WordPress, Blogger...